जाजरकोट । खलंगा बजार क्षेत्रमा जडान गरिएका अधिकांश सिसि क्यामेरा प्रयोग विहिन भएका छन । बजार क्षेत्रको सुरक्षाको लागि भन्दै जडान गरिएका अधिकांश सिसि क्यामेरा अहिले बन्द अवस्थामा छन ।

भेरी नगरपालिकाको १२ लाख बजेटमा ३ वर्ष अघि जडान गरिएका २५ वटा क्यामरा मध्य हाल १६ वटा क्यामरा प्रयोग विहिन अवस्थामा रहेका छन । जसमध्य प्रहरी कार्यालय परिसर भित्रका ६ वटा संगै शान्तीचौतारा स्थित बसपार्क क्षेत्रका २ वटा, र नेपाल बैंकको पुरानो कार्यालय नजिकको १ वटा गरी जम्मा ९ वटा सिसि क्यामेरा मात्र प्रयोगमा रहेको जिल्ला प्रहरी कार्यालय जाजरकोटले जनाएको छ ।

३ वर्ष अगाडी जडान गरिएका क्यामरा बिग्रिय पछि भेरी नगरपालिकाको थप २ लाख ५० हजार र प्रहरी कार्यालयको १ लाख ६० हजार गरी जम्मा ४ लाख १० हजार बजेटले गत भदौमा मर्मत गरिएको भएपनि असोजमा परेको चट्यांगले १६ वटा क्यामेरा फालेको जिल्ला प्रहरी कार्यालय जाजरकोटका प्रहरी प्रमुख डिएसपी मधुकुमार थापाले जानकारी दिनुभयो । प्रयोग विहिन भएका क्यामरा मर्मतका लागि नगरपालिका संग आवश्यक बजेट माग गरिएको समेत डिएसपी थापाको भनाई छ ।

बजार क्षेत्रका महत्वपुर्ण स्थानमा जडान गरिएका सिसि क्यामेराका कारण अपराधिक क्रियाकलाप न्युनिकरणमा सहयोग पुगेको भन्दै केहि समय अघि शिवालय गाउँपालिकाको आर्थिक सहयोगमा छेडाबजारमा समेत सिसि क्यामरा जडान गरिएको छ । गाउँपालिकाको १ लाख ८० हजार बजेटमा बजारको विभिन्न ४ ठाउँमा क्यामरा जडान गरिएको र तत्काल रिम्ना बजार र मटेला बजारमा सिसि क्यामेरा जडानको योजना रहेको डिएसपी थापाको भनाई छ ।

प्रकाश राेकाय

 मानविय सहायताका लागि स्याक नेपालको स्थानीय सरकारलाई साथ

# समाचार

जाजरकाेट । जाजरकोट भुकम्प प्रभावितहरुको लागि विभिन्न सरकारी, गैहसरकारी तथा नीजि एवम् व्यक्तिगत राहात सहायता कार्यले निरन्तरता पाउनुका साथै

भूकम्पको बहानामा जाजरकोटमा हुने वनक्षेत्र अतिक्रमण रोक्ने सर्वपक्षीय निर्णय

# समाचार

  जाजरकोट । भूकम्पपछिको अस्थायी आवास निर्माणको बहानामा जाजरकोटमा सामुदायिक वन क्षेत्र अतिक्रमण बढेको भन्दै सरोकारवाला निकायले यस्ता गैरकानुनी

जाजरकोटको चंखीलामा इलाका प्रशासन कार्यालयको उद्घाटन

# समाचार

जाजरकोट । पश्चिम जाजरकोटका नागरिकहरू नागरिकता लिनका लागि सदरमुकाम खलंगा आउनुपर्ने झन्झटबाट मुक्त भएका छन् । उनीहरूले अब स्थानीय स्तरबाटै नागरिकता