Radio Khalanga

चौथो राजर्षि जनक कप फुटबल प्रतियोगिताको सेमिफाइनलमा जाउलाखेल युथ क्लब

३० फाल्गुण, २०७६

मलंगवा । जाउलाखेल युथ क्लब सर्लाहीको बागमतीमा जारी चौथो राजर्षि जनक कप फुटबल प्रतियोगिताको सेमिफाइनलमा प्रवेश गरेको छ। बिहीबार भएको खेलमा युनाइटेड कर्साङ फुटबल क्लब दार्जिलिङलाई २–० गोलले हराउँदै जाउलाखेलले सेमिफाइनलमा स्थान बनाएको हो।

जाउलाखेलका लागि खेलको १३औं मिनेटमा रूपबहादुर लामाले पहिलो गोल गरेका थिए। दार्जिलिङका प्रशान्त राईसँग डीबक्स बाहिर खोसेको बललाई सशक्त प्रहार गर्दै लामाले गोल गरेका थिए।

पहिलो खेलमा उत्कृष्ट प्रदर्शन गरेको दार्जिलिङले जाउलाखेलविरुद्ध भने निकै कमजोर प्रदर्शन गरेको थियो। २३औं मिनेटमा सुजित बुढाथोकीले डीबक्स भित्रैबाट प्रहार गरेको बल गोलरक्षकले उत्कृष्ट बचाउ गर्दा जाउलाखेल गोल खानबाट बचेको थियो। २६औं मिनेटमा आशिष देवानले निकालेको राम्रो पासलाई प्रशान्त गुरुङले गोलमा परिणत गर्न नसक्दा दार्जिलिङले सुनौलो मौका गुमाएको थियो।

खेलको ६७औं मिनेटमा जाउलाखेलका सुजित बुढाथोकीले दिएको पासलाई विदेशी खेलाडी फोफोनाले सदुपयोग गर्दै गोलअन्तर दोब्बर बनाएका थिए। खेलको म्यान अफ दी म्याच जाउलाखेलका रूपबहादुर लामा बने। उनले नगद १० हजार प्राप्त गरे। जाउलाखेलले शनिबार कञ्चनजंघा फुटबल क्लब सिक्किमसँग फाइनल प्रवेशका लागि प्रतिस्पर्धा गर्नेछ। शुक्रबार सुदूरपश्चिम–११ र नेपाल पुलिस क्लबबीच प्रतिस्पर्धा हुने आयोजक क्लबका अध्यक्ष किस्मत मैनालीले जानकारी दिए।

चौथो राजर्षि जनक कप फुटबल प्रतियोगिताको सेमिफाइनलमा जाउलाखेल युथ क्लब

प्रतिकृया दिनुहोस

हाप्की डो संघ कर्णालीको अध्यक्षमा सल्यानका खेलाडि पुन चयन

# खेलकुद

रोनाल्डो पनि क्वारेन्टाइनमा

# खेलकुद

सदस्य सचिव र लियोनादोबीच भेटघाट

# खेलकुद